Бұл жұмыста ізделінді функцияның туындысы теңдеудің оң жағында болған кезде инволюциясы бар интегралдық – дифференциалдық теңдеулер жүйелері үшін көпнүктелі шеттік есеп қарастырылады. Инволютивті түрлендірудің қасиеттерін қолдана отырып, есеп интегралдық-дифференциалдық теңдеулер жүйелері үшін көпнүктелі шеттік есепті зерттеуге дейін келтіріледі. Фредгольм II типіндегі интегралдық теңдеуді өзекке қатысты қарастырып, оның резольвентасын анықтай отырып, теңдеу оң жақта ізделінді функцияның туындысы болмайтын интегралдық-дифференциалдық теңдеуге келтіріледі. Әрі қарай, есепкеа профессор Д.Жұмабаевпен ұсынылған параметрлеу әдісін қолдануға болады. Оның негізінде есепті шешу арнайы Коши есебі мен сызықтық теңдеулер жүйесін шешуге келтіріледі. Интегралдық теңдеулерді шешу теориясын қолдана отырып, қойылған есептің бірмәнді шешімділігі, бастапқы берілгендерге тәуелді матрицаның қайтымдылығына байланыстырылады.