Коэффициенттері үзілісті параболалық типті теңдеулерді көптеген авторлар бұрыннан жақсы зерттеген. Бұл еңбектерде есептер потенциалдар әдісімен интегралдық теңдеулерге келтіріліп, коэффициенттері үзілісті параболалық типті теңдеулер үшін әртүрлі бастапқы-шеттік есептердің қисынды шығарылуы дәлелденген. Үзіліссіз жағдайда бұл есептердің спектрлік теориясы толығымен құрылған. Бұл жұмыста жалпы локальды емес жағдайларда жылуөткізгіштік коэффициенті бөлікті- тұрақты жылуөткізгіштік теңдеуі үшін бастапқы-шеттік есептерді айнымалыларды бөлу әдісімен шешу негізделіп, кейбір дербес жағдайлар қарастырылған.