Осы журналдың редакциясына жіберілген барлық ғылыми мақалалар міндетті түрде екі жақты шолу процедурасынан өтеді, мұнда рецензенттер  авторларды, авторлар рецензенттерді білмейді. Әр қолжазба екі рецензентке бағалауға жіберіледі.

Мақалаларды редакциялық кеңес мүшелері, редакциялық алқа, сондай-ақ осы мақсатқа шақырылған тиісті саладағы жетекші мамандар рецензиялайды. Мақаланы рецензиялау үшін тиісті рецензентті таңдауды бас редактор, бас редактордың орынбасары, ғылыми редактор және редакция басшысы тағайындайды. Рецензиялау 3-4 аптаға созылады, бірақ рецензенттің өтініші бойынша бұл мерзім ұзартылуы мүмкін.

Қолжазба материалдарын қабылдау мен түсіндіруге әсер етуі мүмкін мүдделер қайшылығы болған жағдайда, рецензент рецензияны орындаудан бас тартуға құқылы. Қолжазбаны талдағаннан кейін рецензент мақаламен әрі қарайғы әрекеттерге қатысты ұсыныстарды тұжырымдайды, оның әр шешімі үшін негіздеме береді:

˗ мақала осы түрде жариялауға ұсынылады;

˗ мақала рецензент белгілеген кемшіліктерді түзеткеннен кейін жариялауға ұсынылады;

˗ мақала басқа маманның қосымша рецензиясын қажет етеді;

˗ мақаланы журналда жариялау мүмкін емес.

Егер рецензияда мақаланы жақсарту және пысықтау бойынша ұсыныстар болса, журналдың редакциясы авторға мақаланың жаңа нұсқасын дайындау кезінде осы ұсыныстарды ескеру немесе оларды дәлелді түрде қабылдамау туралы ұсыныспен рецензияның мазмұнын жібереді (ішінара немесе толық). Авторларға пысықтау қажеттілігі туралы электрондық хабарлама алғаннан кейін мақалаға өзгерістер енгізуге екі айға дейін уақыт беріледі. Осыдан кейін пысықталған мақала қайта рецензиялауға жіберіледі.

Егер авторлар материалдарға өзгертулер енгізбеуге шешім қабылдаса, олар редакцияға мақаланы жазбаша немесе ауызша жариялаудан бас тартқаны туралы хабарлауы керек. Егер авторлар рецензияны жібергеннен кейін үш ай ішінде мақаланың өңделген нұсқасын ұсынбаса, тіпті олардан пысықтаудан бас тарту туралы хабарлама алынбаса да, редакция мақаланы талап етілмеген деп санайды және оны қараудан шығарады. Мұндай жағдайларда авторлар қолжазбаның пысықтауға берілген мерзімнің аяқталуына байланысты тіркеуден шығарылғандығы туралы хабарлама алады.

Қолжазбаға қатысты автор мен рецензенттер арасында шешілмейтін келіспеушіліктер туындаған жағдайда, редакция оны қосымша рецензиялауға жіберуге құқылы. Жанжал туындаған жағдайда түпкілікті шешімді редакциялық алқа отырысында Бас редактор қабылдайды.

Редакциялық алқа отырысында рецензенттердің ұсынымдарын ескере отырып, қолжазбаның жарияланатыны туралы шешім қабылданады. Егер мақала редакциялық алқаның шешімімен жариялауға ұсынылмаса, ол қайта қаралмайды. Авторға жариялаудан бас тарту туралы хабарлама электрондық пошта арқылы жіберіледі. Мақаланы жариялауға жіберу туралы шешімді журнал редакциясы қабылдағаннан кейін автор бұл туралы хабардар етіледі және жариялау мерзімі туралы ақпарат алады.

Оң рецензия мақаланың автоматты түрде жариялануына кепілдік бермейді. Жариялау туралы түпкілікті шешімді редакциялық алқа қабылдайды. Журналдың редакциясы рецензиялардың түпнұсқаларын бес жыл бойы сақтайды.

Оң қорытынды алған әрбір мақалаға DOI (ДОИ) – журналдың мазмұнын және интернеттегі сілтемелерді бірегей және тұрақты онлайн сәйкестендіру үшін арналған сандық нысан идентификаторы тағайындалады.