Зерттеу болашақ педагог-психологтардың кәсіби және жеке өзін-өзі дамытуын зерттеуге бағытталған. Мақалада авторлар кәсіби өзін-өзі дамыту тұжырымдамасының мәнін егжей-тегжейлі сипаттап, талдау жасаған. Педагог-психологтың мотивациялық-мақсатты, мазмұнды-операциялық және рефлексивті сияқты кәсіби өзін-өзі дамыту процесінің құрылымдық компоненттері талданып, ұсынылған және олардың кәсіби өзін-өзі дамыту процесінің тиісті критерийлері анықталған. «Портфолио» әдісі студенттердің кәсіби іс-әрекет мәселелерін шешу, кәсіби мінез-құлық стратегиясы мен тактикасын таңдау қабілетін көрсететін және кәсіби шеберлік деңгейін бағалауға арналған материалдар жиынтығы ретінде қарастырылады. Авторлар болашақ педагог-психологтарды табысты кәсіби және тұлғалық өзін-өзі жүзеге асыру мүмкіндігін қамтамасыз ететін теориямен және технологиялармен қаруландыруға ықпал еткен арнайы әзірленген «Педагогикалық акмеология» элективті курсын ұсынған. Элективті курс аясындағы сабақтар дәрістер, семинарлар, дөңгелек үстелдер, топтық талқылаулар, педагогикалық рефлексия мәселелері және оның психологиялық-педагогикалық іс-әрекеттегі маңызы туралы баяндамаларды талқылау, акмеологиялық тренинг сабақтарын өткізу түрінде өткізілді. Сонымен қатар адамның өз іс-әрекеті жүйесіне, тұлғааралық қарым-қатынас жүйесіне, өзінің кәсіби маңызды қасиеттеріне және тұтастай алғанда, тұлға ретінде өзіне деген рефлексиялық қатынасы, кәсіби портфолиосын құру мүмкіндігі қарастырылып және жеке тұлғаның өзін-өзі дамытуы мен рефлексиялық қабілеттерінің одан әрі даму деңгейі бақыланған эксперименттік зерттеудің қысқаша мазмұны баяндалған.