Қазіргі таңда ақпарат беру құралдары, технологиялар күннен-күнге қарқынды даму үстінде.
Бүгінде компьютер, планшет, ноутбук, смартфонсыз ӛмірімізді елестету мүмкін емес. Кез-келген адам іздеген
ақпаратын интернеттен тез арада тауып, ӛз қажетіне жарата алады. Бұрын мұқабасы қалың, салмағы ауыр
кітаптарды қолға алып оқысақ, қазіргі кезде электронды кітаптан (e-book reader) оқу тиімді бола түсуде.
Оқырман іздеген кітабын интернет арқылы (ақылы немесе ақысыз) немесе смартфон (түрлі гаджеттер) арқылы
оқу мүмкіндігі бар. Осылайша заман ағымына қарай қағаз кітаптың орнын қазір электронды кітаптар басып
келеді. Электронды кітаптың тиімділігі мол, қағаз кітапқа қарағанда анағұрлым жеңіл, кӛлемі де шағын.
Смартфонға жүздеген кітапты сыйғызуға да болады. Егер оқитын кітабыңыздың электронды нұсқасы болса
смартфоннан еш қиындықсыз тауып аласыз. Кейінгі кездері электронды кітаптарды E-link немесе SiPix секілді
технологиялар арқылы да оқуға болады.